Կանադայում մարտի 18-ի ժամը 21:00-ի (տեղական ժամանակով) դրությամբ կորոնավիրուսի հաստատված դեպքերի թիվը 690 է:
Այս մասին տեղեկացնում է Կանադայի կառավարության պաշտոնական կայքը:
Ընդ որում, ամենաշատ դեպքերն արձանագրվել են Բրիտանական Կոլումբիա նահանգում` 231, այնուհետև Օնտարիոյում` 214, Ալբերտայում` 119 և այլն:
Արձանագրված դեպքերի 52 տոկոսը Կանադայում տղամարդիկ են: 31 տոկոսը 60 և ավելի տարեկան անձինք են: Ընդհանուր հաստատված դեպքերի 11 տոկոսը հոսպիտալացված է: Նոր տիպի կորոնավիրուսից մահացել է 9 մարդ: 69 տոկոսը ճամփորդներ են, իսկ 13 տոկոսը նրանց հետ սերտ շփում ունեցած անձինք:
Այս երկրում հավանական դեպքերի թիվը 35 է:
ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Կորոնավիրուսի հաստատված դեպքերի թիվը 122 է, որից մեկն արձանագրվել է ինֆեկցիոն հիվանդանոցում աշխատող բուժքրոջ մոտ: Հայաստանում կորոնավիրուսի հաստատված առաջին դեպքը գրանցվել էր մարտի 1-ին: Քաղաքացին Հայաստան էր եկել Իրանից: Նա ապաքինվել է և դուրս է գրվել հիվանդանոցից:
