ԱԺ տնտեսական հարցերով հանձնաժողովի նիստին հանձնաժողովի նախագահ Բաբկեն Թունյանը հիշեցրեց, որ Ազգային ժողովն ընդունել է ներկրվող ցեմենտի պետական տուրք սահմանելու հարցը՝ 14 հազար դրամ մեկ տոննայի համար. «Պայմանավորվել էինք, որ այդ սահմանափոկումը կգործի մեկ տարի ժամկետով: Ապրիլին դրա ժամկետը լրանում է, և հիմա կառավարությունն առաջարկում է ևս 3 ամսով նույն ռեժիմը պահպանել, մինչև հետո ավելի համապարփակ լուծում գտնելը»:
Ի պատասխան «Իմ քայլը» խմբակցության պատգամավոր Հովիկ Աղազարյանի հարցի՝ ի հայտ եկե՞լ է կլինկերի հայրենական նոր արտադրող, էկոնոմիկայի փոխնախարար Ավագ Ավանեսյանը պատասխանեց. «Մենք ունեցել ենք ցեմենտի որոշակի դանդաղում: Դրա փոխարեն մենք սկսել ենք կլինկեր բերել, աղալ և այլն: Նոր կլինկեր արտադրողներ չեն ավելացել, առաջացել են նոր խաղացողներ, որոնք հենց կլինկեր են աղում»:
Մանրամասն՝ տեսանյութում: