McDonald’s արագ սննդի ռեստորանները Մեծ Բրիտանիայում և Իռլանդիայում փակում են իրենց սրահները այցելուների համար և աշխատելու են միայն առաքումով, ինչպես նաև հաճախորդները կարող են այն տեղում գնել և իրենց հետ տուն տանել։ Այս մասին հաղորդում է McDonald’s UK-ը Twitter-ում։ Նշվում է, որ այս որոշումը կապված է կորոնավիրուսի համավարակի հետ։
Այսպես, սկսած մարտի 18-ից բոլոր ռեստորանների սրահները փակ կլինեն այցելուների համար։ Հաճախորդները կարող են տեղում գնել և իրենց հետ տանել սնունդը, կամ կարող են պատվիրել առաքումով։
Նշվում է, որ առաքման ծառայությունների միջոցով պատվերները իրականացվելու են հնարավորինս առանց ֆիզիկական կոնտակտի՝ ռեստորանների աշխատակիցների, առաքիչների և հաճախորդների միջև։
