Կորոնավիրուսը ճշգրտումներ է մտցրել բոլոր պետական հաստատությունների աշխատանքներում. բացառություն չեն նաև ԶԱԳՍ-երը, որոնք երկու շաբաթով դադարեցրել են դիմումների ընդունումը և ամուսնությունների գրանցումը, հաղորդում է «Sputnik Georgia»-ն:
Եթե զույգը հաստատապես որոշել է ամուսնությունը գրանցել մինչև մարտի վերջը, ապա դա կարող է անել բնակության վայրի (քաղաքի) Արդարադատության պալատում:
Եթե զույգն արդեն դիմել է և հերթագրված է, ապա նրանց ամուսնությունն այնուամենայնիվ կգրանցվի ԶԱԳՍ-ում, բայց որոշ սահմանափակումներով:
«Մենք նոր դիմումներ չենք ընդունում, բայց եթե զույգը հերթի մեջ է, և ամուսնությունը նախապես ծրագրված էր, ապա այն կգրանցվի: Բայց ամեն ինչ շատ համեստ է, և մարդկանց թիվը նույնպես սահմանափակ է»,- «Sputnik Georgia»-ին հայտնել են Սիգնախիի ԶԱԳՍ-ում:
Բոլոր զույգերին, որոնք որոշել են ամուսնանալ, խնդրում են հետաձգել արարողությունը և առաջիկա 2-3 շաբաթվա ընթացքում ձեռնպահ մնալ հարաբերությունների գրանցումից: