Չիկագոյում (ԱՄՆ) կորոնավիրուսի տարածման պատճառով այցելուների համար փակվել է Shedd Aquarium օվկիանարիումը: Աշխատակիցները պինգվիններին ազատ զբոսնելու հնարավորություն են տվել: Այժմ կենդանիները քայլում են սրահներում և հիանում ձկներով: Այս մասին հաղորդվել է Shedd Aquarium-ի թվիթերյան էջում:
Օվկիանարիումի աշխատակիցների կողմից հրապարակված՝ Ուելինգթոն, Էվարդ և Էննի անուններով պինգվինների մասնակցությամբ տեսանյութերն արդեն սկսել են մինի-սերիալ հիշեցնել:
«Այժմ, երբ այցելուներ չկան, աշխատակիցները կենդանիներին զվարճացնելու տարբեր եղանակներ են հորինում: Մենք նրանց նոր զբաղմունք և սնունդ ենք առաջարկում, ստիպում ենք շարժվել, ինչպես նաև խրախուսում ենք նրանց ուսումնասիրել տարածքը և վարվել ինչպես ապրելու բնական միջավայրում»,- պատմել է հաստատության աշխատակիցներից մեկը:
