Հայաստանում արտակարգ դրություն է՝ պայմանավորված կորոնավիրուսի տարածման վտանգով։
Հայաստանում արտակարգ դրության իրավաչափ չլինելու մասին կասկած է հայտնել Հրայր Թովմասյանը։ Ինչպիսի՞ն է ձեր մեկնաբանություններն այս ամենի շուրջ․ «Առաջին լրատվական»-ի հարցին Հանրային խորհրդի նախագահ Ստյոպա Սաֆարյանը պատասխանեց․ «Իմ մեկնաբանությունն այն է, որ Սահմանադրական դատարանի նախագահը գերազանցել է իր լիազորությունները։ Անկեղծ ասած՝ բոլորս էլ հասկանում ենք։ Գիտեք, ձեռառնոցի է։ Մարդ, որը երկրի վզին փաթաթել է մի Սահմանադրություն, որտեղ արտակարգ դրություն կարող ես հռչակել միայն սահմանադրական կարգին սպառնացող վտանգի դեպքում, և կառավարությունը ձգտում է սողանցքներ գտնել, որպեսզի իրավիճակը վերահսկելի պահի, այդ նույն Սահմանադրություն գրողը ուղղակի ձեռ է առնում Հայաստանի Հանրապետությանը, ձեռ է առնում Հայաստանի ժողովրդին և սկսում է քննարկել, թե դա իրավաչափ չէ՝ լավ իմանալով, որ դա լինում է այն դեպքում, երբ սահմանադրական կարգի տապալում է սպառնում։ Սա ուղղակի գնահատական չունի։ Ես կարծում եմ, որ այս գնահատականից հետո Սահմանադրական դատարանի նախագահը ուղղակի պետք է պաշտոնանկ արվի՝ անկախ նրանից՝ մենք հանրաքվե կունենա՞նք ապրիլի 5-ին, թե՞ կհետաձգենք։ Այնուամենայնիվ՝ Սահմանադրական դատարանի նախագահին պարտավոր ենք ճանապարհել իրենց տուն՝ «Սահմանադրական դատարանի մասին» օրենքը խախտելու և Սահմանադրական դատարան չդիմած գործով գնահատական տալու մասով։ Ո՞ւմ է ուղղում ազդանշանը և ի՞նչ է ուզում նա։ Նա ուզում է ասել, որ դիմեք ինձ, և ես արտակարգ դրությունը ոչ իրավաչա՞փ կճանաչեմ։ Ի՞նչ է սա։ Սա արդեն խաղ է Հայաստանի հասարակության դե՞մ։ Ես, անկեղծ ասած, վրդովված եմ»։
Մանրամասները՝ տեսանյութում։