Լուրեր
Տարածաշրջանի երկրները կորոնավիրուսից խորքային դասեր դժվար թե քաղեն. հակամարտությունները կշարունակվեն
  • 13:00
  • 2020-03-18
  • Դիտումներ՝ *

Կորոնավիրուսը շարունակում է տարածվել աշխարհի երկրներում: Հիշեցնենք, որ Հայաստանում արտակարգ դրություն է սահմանվել, փակ են սահմանները Իրանի և Վրաստանի հետ: Տարածաշրջանի երկրներից ամենաբարդ իրավիճակը, թերևս, Իրանում է, ընդհանուր առմամբ վիրուսը տարածվել է նաև Մերձավոր Արևելքում՝ Պարսից ծոցի երկրներից մինչև Լիբանան: Թեմայի շուրջ «Առաջին լրատվական»-ը զրուցել է արաբագետ Արմեն Պետրոսյանի հետ:

Մեր զրուցակիցը փաստեց, որ մերօրյա մարդկությունը բախվում է մի աննախադեպ մարտահրավերի, որը չի շրջանցում որևէ երկիր: «Հետաքրքիրն այն է, որ այս մարտահրավերը կանխարգելելու համար պետությունները գնում են ոչ թե գլոբալ ճակատով, այլ մեկուսի, ամեն մեկը սեփական մարտավարությամբ»:

Անդրադառնալով տարածաշրջանի երկրներում կորոնավիրուսի տարածման մասշտաբին՝ Պետրոսյանը նշեց. «Իրանում երևի թե ամենավատթար վիճակն է, Թուրքիայում, կարծես թե, նոր է սկսում, բայց կանխատեսում եմ, որ այստեղ բավականին լուրջ հետևանքներ կարող են լինել… Մի բան պետք է ֆիքսենք, օրինակ` Իսրայելում տեղեկատվական հակամարգը բաց է, տեղեկատվությունը ստուգելու հնարավորություն կա, ժողովրդավարական համակարգը և ազատ մամուլն իր դրական ազդեցությունն է տալիս իրավիճակի վերլուծության համար, ինչը չի կարելի ասել տարածաշրջանի գրեթե բոլոր մյուս երկրների մասին, որտեղ ինֆորմացիան փակ է, գործընթացին հետևելու այլընտրանք չկա, նույն Իրանի պարագայում հատկապես սոցիալական ցանցերում, արտասահմանյան լրատվամիջոցներում այնպիսի տվյալներ են հրապարակվում, որոնք որևէ աղերս չունեն պաշտոնական տվյալների հետ: Իհարկե, այստեղ կարող է լինել նաև քարոզչական բաղադրիչ»:

Առավել մանրամասն՝ տեսանյութում:

 

 

  • Դիտումներ՝ *