Ֆրանսիայում էլեկտրաէներգիայի, ջրի և գազի վճարները, ինչպես նաև որոշ ձեռնարկությունների համար վարձավճարները չեն գանձվելու, հայտարարել է Նախագահ Էմանուել Մակրոնը ժողովրդին ուղղված իր ուղերձում:
«Էլեկտրաէներգիայի, ջրի, գազի վճարների, ինչպես նաև վարձավճարների գանձումը կդադարեցվի, որպեսզի ոչ ոք չմնա առանց միջոցների», – ասել է պետության ղեկավարը՝ նշելով, որ նման միջոցներ ձեռնարկվելու են նաև ընկերությունների համար են:
Մակրոնի խոսքով, ձեռնարկություններին աջակցելու համար նախատեսված են նաև հարկային և սոցիալական վճարները հետաձգելու միջոցառումներ: Ֆրանսիայի ղեկավարը նաև հիշեցրել է իր նախորդ հայտարարության մասին, որը նախատեսում է օգնության այն մարդկանց, որոնք «մասնակի գործազուրկ» են դարձել՝ աշխատանքի գնալու անկարողության պատճառով: