Շենգենյան գոտու և Եվրամիության սահմանները կփակվեն նոր տեսակի կորոնավիրուսի տարածման վտանգի պատճառով, հայտարարել է Ֆրանսիայի նախագահ Էմանուել Մակրոնը քաղաքացիներին ուղղված տեսաուղերձի ընթացքում, հաղորդում է BFMTV-ն:
Սահմանները կփակվեն մարտի 17-ին, սահմանափակումը կտևի 30 օր, հայտարարել է Ֆրանսիայի ղեկավարը:
2019 թ.-ի դեկտեմբերի 31-ին, Չինաստանի իշխանությունները հայտարարեցին Ուհան քաղաքում թոքաբորբի բռնկման մասին: Հիվանդության հարուցիչը կորոնավիրուսի նոր COVID-19 տեսակն է: Մարտի 11-ին Առողջապահության համաշխարհային կազմակերպությունը (ԱՀԿ) կորոնավիրուսի նոր տեսակի բռնկումը հայտարարեց պանդեմիա: