Հայաստանի ռեստորանների միությունը դեռևս չի քննարկել նոր կորոնավիրուսի տարածմամբ պայմանավորված Հայաստանում, հատկապես Երևանում գործող ռեստորաններն ու սրճարանները փակելու հարցը։ Այս մասին Առաջին լրատվականի հետ զրույցում ասաց ռեստոևանների միության համանախագահ Աշոտ Բարսեղյանը։
Նրա խոսքով՝ քանի որ դա բիզնես է, հավանաբար յուրաքանչյուրը սեփական հայեցողությամբ պետք է որոշի՝ փակել, թե ոչ։ Իսկ եթե ընդհանուր որոշում լինի՝ ռեստորանների միության տնօրենը կհայտարարի դրա մասին։ Քննարկում չի եղել, որոշում չկա՝ ասաց»-Բարսեղյանը։
Մեր զրուցակիցը նշեց, որ արդեն իսկ հաճախորդների պակաս նկատվում է, անկումն արդեն ակնհայտ է․«Բայց դեռ սպասողական վիճակ է, դեռ պետք չի կտրուկ որոշումներ կայացնել, որ պանիկա չտարածվի։ Մարդիկ դեռ գալիս են»,-եզրափակեց Բարսեղյանը։