Նիդեռլանդներում կայանալիք «Եվրատեսիլ 2020»-ում Ռուսաստանը ներկայացնող Little Big խմբի Uno երգի տեսահոլովակն առավելագույն դիտում է հավաքել մասնակիցների շարքում:
Մարտի 13-ին մրցույթի YouTube-ի պաշտոնական ալիքում հրապարակված Little Big-ի տեսանյութն արդեն 2.4 միլիոն դիտում ունի:
Դիտումների քանակով երկրորդ տեղում է ուկրաինական Go A խմբի «Սոխակ» երգի տեսահոլովակը. 1 միլիոն դիտում՝ երկու շաբաթվա ընթացքում:
Բրիտանացի կատարող Ջեյմս Նյումանի փետրվարի վերջին հրապարակված My Last Breath երգի տեսահոլովակը մոտ 1 միլիոն դիտում է հավաքել և երրորդն է տարածվածությամբ:
Այնուամենայնիվ, Little Big-ը «Եվրատեսիլ 2020»-ում իր հիմնական մրցակիցն է անվանել ոչ թե Ուկրաինայի և Մեծ Բրիտանիայի ներկայացուցիչներին, այլ Իսլանդիայի, Լիտվայի և Բուլղարիայի երաժիշտներին:
https://www.youtube.com/watch?time_continue=172&v=L_dWvTCdDQ4&feature=emb_logo