ԱՄՆ-ը եվրոպական երկրների հետ չի համաձայնեցրել երկրի մուտքը 30 օրյա ժամկետով փակելու որոշումը, հաղորդում է Reuters-ը հղում անելով եվրոպացի դիվանագետի:
Ավելի վաղ ԱՄՆ նախագահ Դոնալդ Թրամփը հայտարարեց, որ ԱՄՆ-ը 30 օրով արգելում է Եվրոպայից երկիր մուտք գործելը կորոնավիրուսի տարածման հետ կապված: Բացառություն կանեն Մեծ Բրիտանիայի, ինչպես նաեւ «համապատասխան հետազոտություններն» անցած ամերիկացիների համար:
«Ոչ նախապես զգուշացրել են, ոչ էլ կոորդինացրել, երբ նախագահն այդ հայտարարությունն արեց»,- պնդում է դիվանագետը:
2019 թվականի դեկտեմբերի 31-ին Չինաստանը հայտարարեց Ուհան քաղաքում բռնկված թոքաբորբի մասին: Հիվանդության հարուցիչը նոր տիպի կորոնավիրուսն է, որը պաշտոնապես ստացել է COVID-2019անվանումը:
