ԱՄՆ-ի արդեն 24 նահանգ և երկրի մայրաքաղաք Վաշինգտոնն արտակարգ դրություն են հայտարարել COVID-19-ի կորոնավիրուսի տարածման պատճառով: Այդ մասին հայտնել է CNN հեռուստաաալիքը:
Հեռուստաալիքի տվյալներով՝ մարտի 11-ին արտակարգ դրություն սահմանելու մասին հայտնել է չորս նահանգ՝ Արիզոնան, Նյու Մեքսիկոն, Լուիզիանան, Արկանզասը, ինչպես նաև ԱՄՆ-ի մայրաքաղաք Վաշինգտոնը:
Ավելի վաղ արտակարգ դրություն էին հայտարարել Միչիգանի, Վերմոնտի, Հյուսիսային Կարոլինայի, Մասաչուսեթսի, Կոլորադոյի, Օհայոյի, Իլինոյսի, Ռոդ Այլենդի, Նյու Ջերսիի, Օրեգոնի, Նյու Յորքի, Փենսիլվանիայի, Քենտուկիի, Ինդիանայի, Մերիլենդի, Կալիֆոռնիայի, Ֆլորիդայի, Վաշինգտոնի և Հավայիի նահանգները:
CNN-ի տվյալներով՝ Սենատում դեմոկրատների առաջնորդ Չաք Շումերը ու ևս երկու դեմոկրատ սենատորներ՝ Փաթի Մյուրեյը և Հերի Փիթերսը, նամակ են պատրաստում ԱՄՆ-ի նախագահ Դոնալդ Թրամփին կորոնավիրուսի պատճառով արտակարգ դրության համազգային ռեժիմ հայտարարելու խնդրանքով, ինչը թույլ կտա ԱՄՆ-ի արտակարգ իրավիճակների կառավարման համերկրային գործակալությանը ավելի քան 40 մլրդ դոլար ուղղորդել կորոնավիրուսի դեմ պայքարին:
CNN-ը, վկայակոչելով տեղական իշխանությունների և Հիվանդությունների վերահսկողության և կանխարգելման կենտրոնների (CDC) տվյալները, հայտնել է, որ Միացյալ Նահանգներում գրանցվել է նոր կորոնավիրուսով հիվանդանալու 1237 դեպք, մահացել է 37 մարդ:
