ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը մարտի 11-ին, ժամը 15:19-ին ահազանգ է ստացել, որ Արարատի մարզի Մասիս քաղաքի Կայարան թաղամասում՝ երկաթգծի մոտակայքում, այրվում է խոտածածկ տարածք:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Պարզվել է, որ հրդեհը բռնկվել է Մասիս քաղաքի Կայարան 2-րդ թաղամասի 1-ին փողոցի տներից մեկին հարակից հողամասում:
Ինչպես տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 15:36-ին, մարվել` 16:28-ին: Այրվել են ինքնաշեն տնակ (մոտ 13 քմ), էլեկտրական հաշվիչ՝ ամբողջությամբ և մոտ 50 քմ խոտածածկույթ: