Պեկին ժամանող միջազգային ավիաչվերթների բոլոր ուղևորներին կուղարկեն 14-օրյա կարանտին: Այդ մասին մարտի 11-ին հայտնել են արևմտյան ԶԼՄ-ները՝ վկայակոչելով Պեկինի վարչակազմի ներկայացուցչին՝ տեղեկացնում է Interfax-ը։
ԶԼՄ-ները հիշեցնում են, որ ավելի վաղ ՉԺՀ-ի իշխանությունները պահանջել են կարանտին ուղարկել այն մարդկանց, որոնք Չինաստան են ժամանում Հարավային Կորեայից, Ճապոնիայից, Իտալիայից և Իրանից․ երկրներ, որոնք լրջորեն տուժել են կորոնավիրուսի տարածումից:
Չինաստանում կորոնավիրուսի տարածման հետ կապված իրավիճակը շարունակում է բարելավման բացահայտ միտում դրսևորել. վերջին 24 ժամվա ընթացքում ապաքինվել է 1578 մարդ, վարակվել է ընդամենը 24 հոգի, արձանագրվել է 22 մահաբեր վախճան: Ընդհանուր առմամբ, ՉԺՀ-ի Հիգիենայի և առողջապահության հարցերի պետական կոմիտեի տվյալներով՝ երկրում ախտահարվածների քանակը հասել է 80,7 հազարի, նրանցից առողջացել են 61,4 հազարը, մահացել՝ 3 հազար 158-ը: