Չուլալոնգքոռնի համալսարանը և Advanced Info Service (AIS) կապի գործարկուն Թաիլանդում մշակել են 5G տեխնոլոգիայով խելացի ռոբոտներ, որոնք թույլ են տալիս հետևել և խնամել կորոնավիրուսով հիվանդներին: Դրանցից մի քանիսն արդեն կիրառվում են թագավորության երեք բժշկական հիմնարկություններում. երկուսը՝ Ռաչավիթի հվանդանոցում, մեկը՝ Թալիանդի կրծքի կենտրոնական ինստիտուտում և Նոփարաթ Ռաչաթանի հիվանդանոցում՝ տեղեկացնում է TASS-ը։
«Մենք մեր 5G ցանցը գործի ենք դրել գործարար շրջաններում ինտելեկտուալ ռոբոտներն օգտագործելու համար նոր կորոնավիրուսի դեմ պաքարում»,- ասել է AIS-ի համազգային գործողությունների և աջակցության ղեկավար Վասիթ Վաթանասափին: Ռոբոտները հավաքել են Չուլալոնգքոռնի համալսարանի ճարտարագիտական և բժշկական ֆակուլտետներում:
Մեքենաներն օգտագործվում են կասկածի տակ գտնվող մարդկանց ախտանիշների հսկման և արդեն ախտահարվածների խնամքի համար, որպեսզի նվազեցվի բժշկական անձնակազմի վարակման հավանականությունը:
Այս պահին թագավորությունում հաստատված է նոր տիպի կորոնավիրուսի հարուցած հիվանդության 50 դեպք, բուժվել է 33 մարդ, նաև երկրում մեկ մահացու վախճան է արձանագրվել։