Իրանում նոր տիպի կորոնավիրուսով վարակվածների թիվը գերազանցել է 7 հազարը, մահացել է 237 մարդ: Այս տվյալները մարտի 9-ին ներկայացրել է Իրանի առողջապահության և բժշկական կրթության նախարարության հասարակայնության հետ կապերի դեպարտամենտի ղեկավար Քիյանուշ Ջահանփուրը՝ տեղեկացնում է TASS-ը։
«Այսօրվա դրությամբ երկրում գրանցված է կորոնավիրուսով վարակման 7161 դեպք»,- ասել է Ջահանփուրը։ Նա հավելել է, որ մահացել է 237 մարդ: Ավելի վաղ հաղորդվել էր 6566 հիվանդացածի և 194 մահացածի մասին:
Մարտի 9-ին Թեհրանի հիվանդանոցներից մեկում նոր տիպի կորոնավիրուսի հարուցած հիվանդությունից մահացել է Իսլամական հեղափոխության պահապանների կորպուսի քաղաքական հարցերի վարչության ղեկավարի նախկին տեղակալ Ֆարզադ Թազարին: