ԱՄՆ-ում արձանագրվել է COVID-19 կորոնավիրուսով վարակման 512 դեպք, 21 մարդ մահացել է: Այդ մասին հաղորդել է CNN հեռուստաալիքը՝ վկայակոչելով Հիվանդությունների վերահսկողության և կանխարգելման կենտրոնների (CDC) և տեղական իշխանությունների հաշվարկները:
Այդ թվի մեջ են մտնում կորոնավիրուսով վարակված այն 49 ամերիկացնները, որոնք ԱՄՆ են վերադարձել արտասահմանից: Անմիջականորեն Միացյալ Նահանգների տարածքում հայտնաբերվել է 442 դեպք 33 նահանգում և Կոլումբիայի օկրուգում: 21 հիվանդացածները Grand Princess նավից, որը կարանտինի է կանգնած Կալիֆոռնիայի մարձակայքում, վիճակագրության մեջ չեն մտնում: Վաշինգտոնի նահանգում արձանագրված են ամենամեծ քանակությամբ վարակվածները. մարտի 8-ի առավոտյան դրությամբ հաղորդվել էր 115 դեպքի մասին: Դրան հետևում է Նյու Յորքի նահանգը՝ 105 դեպք:
Մահերի մեծ մասը՝ 18, արձանագրված է Վաշինգտոնի նահանգում, երկուսը՝ Ֆլորիդայում և մեկը՝ Կալիֆոռնիայում: Վարակի տարածման ֆոնին այս պահին ԱՄՆ-ի արդեն ութ նահանգներում՝ Վաշինգտոն, Կալիֆոռնիա, Նյու Յորք, Ֆլորիդա, Քենտուկի, Մերիլենդ, Յուտա և Օրեգոն, արտակարգ դրոություն է սահմանված: