Սիրիայի զինված ուժերը տեսանյութ են հրապարակել, որում ցույց են տվել քիմիական թունավոր նյութերը, որոնք ահաբեկիչները ցանկանում էին օգտագործել Իդլիբի շրջանի Սադրակ քաղաքի վրա հարձակվելու համար: Տեսանյութը հրապարակել է ՌԻԱ Նովոստին:
Գործակալության տվյալներով՝ զինծառայողները գտել են արտահոսող հեղուկով տարա և քիմիական պաշտպանության էլէմենտներ, ինչը վկայում է ահաբեկիչների կողմից սադրանքներ հրահրելու փորձի մասին: Ըստ սիրիական բանակի սպայի, նախնական վերլուծության արդյունքների համաձայն, տանկերներում քլոր է եղել:
Բացի այդ, սակրավորները հայտնաբերել և չեզոքացրել են լարերով միացած պայթուցիկ սարքը:
Մարտի 4-ին Հաշտեցման կենտրոնից հայտարարել էին, որ մոտ 15 ահաբեկիչներ փորձել են պայթեցնել մեծ քանակի զինամթերք՝ թունավոր քիմիական նյութեր պարունակող տարաների հետ միասին: Նշվում է, որ քիմիական նյութերի հետ վարվելու հմտությունների բացակայության պատճառով զինյալները խախտել են դրանցից մեկի պահպանման պայմանները՝ թույլ տալով արտահոսք: Արդյունքում ՝ ահաբեկիչներն իրենք են ստացել ծանր քիմիական թունավորումներ ՝ չկարողանալով իրականացնել ծրագրած պայթյունը:
