Բրիտանական թանգարանը ձեռք է բերել արևային կիսաշրջանի տեսքով ոսկե կախազարդ, որը երեք հազար տարեկան է, հայտնում է The Guardian-ը:
Գիտնականները դա համարում են դարի ամենակարևոր հնագիտական գտածոներից մեկը:
3.6×4.7 սմ-անոց կախազարդը, որը զարմանալիորեն լավ է պահպանվել, մետաղական դետեկտորով գտել է սիրողական գանձ որոնողը Շրոփշիրում՝ 2018 թվականին:
Բրիտանական թանգարանի բրոնզե դարաշրջանի հավաքածուի հսկիչ Նիլ Ուիլքինը ասաց, որ տեսնելով արժեքավոր գտածոն՝ ձեռքերը թուլացել են:
«Ես ցնցված էի, պարզապես չէի կարող հավատալ աչքերիս: Ինձ համար սա բրոնզե դարի ամենակարևոր արտեֆակտն է, որը հայտնաբերվել է վերջին 100 տարվա ընթացքում», – ասաց նա:
Կախազարդը գնել են 323 հազար դոլարով. գումարը հատկացրել են Art Fund-ը և «Բրիտանական թանգարանի ամերիկացի ընկերներ» ասոցիացիան:
Ըստ Ուիլքինի, զարդը կարելի է հեշտությամբ համարել 1930-ականների սկզբի ար-դեկոյի օրինակ, բայց իրականում այն արվել է մ.թ.ա. 1000-800 թվականներին:
