ԱՄՆ նախկին առաջնորդ Բիլ Քլինթոնը 1995 թ.-ին իր նախագահության ժամանակ Սպիտակ տան պրակտիկանտ Մոնիկա Լևինսկիի հետ ունեցած հարաբերությունները համարում է «աններելի սխալ», հայտնում է Metro-ն:
Այս մասին Քլինթոնը պատմել է իր կնոջ՝ Հիլարիի մասին պատմող վավերագրական ֆիլմի դրվագներից մեկում, որը մարտի 6-ին կցուցադրի Hulu հոսքային ծառայությունը:
Ըստ նրա, 22 տարեկան աղջկա հետ սիրավեպը նրա համար աշխատանքից շեղվելու միջոց էր:
Ամերիկայի նախկին առաջնորդը խոստովանել է, որ դրա օգնությամբ երկար տարիներ փորձել է «հաղթահարել իր խնդիրները»:
Իր հերթին, Հիլարի Քլինթոնը ֆիլմի համար տված հարցազրույցում հայտարարել է, որ ամուսնու անհավատարմությունը ծանր հարված է եղել իր համար:
Քաղաքական գործիչն ասել է, որ «շատ վիրավորված էր»՝ իմանալով ամուսնու ստի մասին:
«Ես չէի կարողանում հավատալ դրան»,- պատմել է Հիլարի Քլինթոնը: