2020 թվականի մարտի 31-ին Արցախում սպասվում են համապետական ընտրություններ․ ընտրելու են նախագահ և ձևավորելու են Ազգային ժողով։
Առաջադրվել է նախագահի 14 թեկնածու, որոնցից մեկը դուք եք։ Ձեր նախընտրական ծրագրային դրույթներին մեծ մասամբ ծանոթ ենք, սակայն կներկայացնե՞ք Ղարաբաղյան հակամարտության կարգավորման վերաբերյալ ձեր տեսլականը․ «Առաջին լրատվական»-ի հարցին Արցախի Ազգային ժողովի նախագահ, Արցախի նախագահի թեկնածու Աշոտ Ղուլյանը պատասխանեց․ «Ես չպետք է, որ Արցախի նախագահի թեկնածու լինեի, որպեսզի ամբողջացնեի ղարաբաղյան հիմնախնդրի կարգավորման իմ պատկերացումները։ Լինելով Արցախի ԱԺ նախագահ, հնարավորություն եմ ունեցել խոսել ղարաբաղյան խնդրի կարգավորման հայեցակարգի մասին։ Մենք այսօր ապրում ենք այդ իրավիճակի զգայուն կետերի վրա և ամեն օր մեր կյանքի վրա զգում ենք, որ խնդրի կարգավորման նույնիսկ տեսական հնարավորության դեպքում ինչ կարող է փոխվել։ Միանշանակ պարզ է, որ այսօր Ադրբեջանի կողմից որևէ ցանկություն, իրական քայլ, որևէ նշույլ չկա, որ Արցախի ժողովրդի ինքնորոշման հարցում պատրաստ են գոնե կես քայլ ընդառաջ գնալ։ Այսպիսի իրավիճակում մենք չենք կարող խոսել միայն ժողովուրդների համերաշխության, խաղաղության մասին»։
Մանրամասները՝ տեսանյութում։