Օդային տրանսպորտի միջազգային ասոցիացիան (IATA) կանխատեսում է, որ 2020 թվականին ավիափոխադրողները կարող են 63-113 մլրդ դոլարի չափով վնաս կրել պահանջարկի անկման պատճառով՝ կապված նոր կորոնավիրուսի բռնկման հետ: Այդ մասին ասված է IATA-ի հաղորդագրության մեջ։
Հնարավոր վնասի լայն ընդգրկույթը բացատրվում է իրադրության զարգացման մի քանի հնարավոր սցենարներով: Բեռնատար ավիափոխադրումների վրա կորոնավիրուսի ազդեցության գնահատում դեռևս չի անցկացվել: Փետրվարի 25-ին IATA-ն ավիաընկերությունների վնասները գնահատել էր 30 մլրդ դոլար, ընդ որում՝ միայն այն դեպքում, եթե կորոնավիրուսը չտարածվի Չինաստանի սահմաններից դուրս: Ներկա դրությամբ վարակման դեպքեր են հայտնաբերվել 80-ից ավելի երկրներում: Չինաստանի սահմաններից դուրս ամենից շատ վարակվածներ կան Հարավային Կորեայում, Իրանում և Իտալիայում, հաղորդել է ՏԱՍՍ-ը:
