Իրանի իշխանությունները տեղեկացրել են ռեժիսոր, Բեռլինի կինոփառատոնի հաղթող Մոհամմադ Ռասուլոֆին բանտարկության պատիժը կրելու անհրաժեշտության մասին: Այդ մասին Associated Press-ին տեղեկացրել է ռեժիսորի փաստաբան Ռասուլոֆ Նասեր Զարաֆշանը:
Ռեժիսորը 2019 թվականի հուլիսին դատապարտվել է մեկ տարվա ազատազրկման։ Նրան մեղավոր են ճանաչել իր ֆիլմերի միջոցով (մասնավորապես «Ձեռագրերը չեն այրվում», «Չվաճառվողը») պետական համակարգի դեմ քարոզչություն տարածելու մեջ։ Ռասուլոֆին արգելվել էր հեռանալ Իրանից և երկու տարի ֆիլմեր նկարահանել:
Կինոռեժիսորը բողոք է ներկայացրել դատավճռի դեմ, բայց այն չի ընդունվել: Սակայն, ըստ փաստաբանի, ռեժիսորը մտադրություն չունի հանձնվելու իշխանություններին և նախատեսում է կրկին բողոքարկել դատավճիռը: