«Լիդիան» ընկերությունը օրերս հաղորդագրություն էր տարածել, որի համաձայն՝ Վարչական դատարանը փետրվարի 26-ին բավարարել է «Լիդիան Արմենիայի» հայցը և անվավեր ճանաչել բնապահպանության և ընդերքի տեսչական մարմնի ստուգման ակտում նշված 10 կետից 8-ը: 2018-ի ստուգումների արդյունքում, ըստ տեսչական մարմնի, «Լիդիանը» խախտել է Հայաստանի օրենսդրության 10 պահանջ, ներառյալ՝ Ամուլսարի շինարարության փուլում իրականացված ապօրինի հանքարդյունահանումը:
Ի՞նչ է ենթադրում դատարանի որոշումը, ի՞նչը կլինի հետևանքը Ամուլսարի համար: Պատասխանելով «Առաջին լրատվական»-ի հարցին՝ Բնապահպանության և ընդերքի տեսչական մարմնի նախկին ղեկավար Արթուր Գրիգորյանը նախ ներկայացրեց բուն խնդիրը, ապա ասաց, որ «պետական երեք մարմիններից՝ Քննչական կոմիտե, նախարարություն և տեսչություն, միայն Բնապահպանական տեսչությունն է, որ մինչև վերջ բարեխղճորեն, եթե կուզեք՝ տղամարդավարի կատարել է իր պարտականությունները և ընդունել է վերջնական ակտ. այն ակտը, որը չեղարկվեց դատարանի կողմից: Եվ այդ չեղարկումը ևս ամբողջությամբ համապատասխանում է գործող իշխանության դիրքորոշմանը»:
Մանրամասները՝ տեսանյութում։