Երկու օրենքով գողեր զրկվել են իրենց տիտղոսներից՝ Ռուսաստանի քրեական աշխարհի առաջնորդ Զախարիա Քալաշովի (Շաքրո Մոլոդոյ) հրամանը խախտելու համար՝ գրում է lenta.ru-ն:
2014-ին Իսպանիայից Ռուսաստան վերադառնալով՝ Քալաշովը արգելք է կիրառել նոր օրենքով գողերի «թագադրման» վրա: Ըստ հեղինակության՝ նման սահմանափակումը պետք է ապահովեր պատերազմող կլանների միջև խաղաղության հաստատումը:
2018-ի նոյեմբերին օրենքով գող Վաժա Բիգանիշվիլին (Թբիլիսի) խախտել է այդ արգելքը: Նա նախաձեռնել է չորս տարվա մեջ առաջին օրենքով գողի՝ Իոսիֆ Տերտերաշվիլիի (Սոկրատես Գորիյսկի) թագադրումը: Սակայն 2020-ի մարտին «Սուխումի» գողերի կլանի ներկայացուցիչները որոշել են պատժել Բիգանիշվիլիին բացահայտ ինքնագործունեության համար։
Նրանք որոշել են, որ Տերտերաշվիլիի թագադրումը՝ Քալաշովի արգելքի խախտմամբ, անվավեր է: Այսպիսով, Սոկրատ Գորիյսկին փաստորեն զրկվել է իր կոչումից: Բացի այդ, Բիգանիշվիլիի ամենամոտ կողմնակիցը՝ քրեական հեղինակություն Սանդրո Կուրասբեդիանին (Սանդրիկ) նույնպես հայտարարվել է ոչ օրենքով գող:
Դրա պատճառն այն է, որ մի քանի տարի առաջ Իտալիայում Կուրասբեդիանիին ծեծի են ենթարկել օրենքով գողերը և հետույքը ծակել պատառաքաղով, բայց Կուրասբեդիանին վրեժ չի լուծել նրանցից, ինչը գողական կոդեքսի խախտում է:
