Թուրքիան ակնկալում է, որ Թուրքիայի և Ռուսաստանի նախագահներ Թայիփ Էրդողանի և Վլադիմիր Պուտինի բանակցություններից հետո հրադադարի ռեժիմ կհաստատվի Սիրիայի Իդլիբ նահանգում: Այդ մասին Թուրքիայի ղեկավարը մարտի 4-ին լրագրողներին հայտնել է խորհրդարանում ունեցած ելույթից հետո՝ տեղեկացնում է TASS-ը։
«Մենք (մարտի 5-ին Մոսկվայում կայանալիք) բանակցություններից հրադադարի ռեժիմի մոտալուտ հաստատում ենք ակնկալում»,- Էրդողանի խոսքը մեջբերել է NTV հեռուստաալիքը: Բացի այդ, Թուրքիայի նախագահը մեկնաբանել է Սիրիայի խնդրով ԱՄՆ-ի հատուկ ներկայացուցիչ Ջեյմս Ջեֆրիի հայտարարությունն այն մասին, որ Վաշինգտոնը պատրաստ է զինամթերք տրամադրել Անկարային՝ Սիրիայի Իդլիբ նահանգում գործողություններ իրականացնելու համար: «Ես նման խնդրագիր էի ուղարկել Թրամփին»,- ընդգծել է նա:
Մարտի 4-ին ավելի վաղ ՌԴ նախագահի մամուլի քարտուղար Դմիտրի Պեսկովը հույս է հայտնել, որ Ռուսաստանի եևւ Թուրքիայի նախագահների՝ մարտի 5-ին Մոսկվայում պլանավորված բանակցությունները թույլ կտան հասկանալ Իդլիբի ճգնաժամի պատճառները և դրա վերացմանն ուղղված միջոցառումներ մշակել։
