ԱՄՆ փոխնախագահ Մայք Փենսը Սպիտակ տանը կայացած բրիֆինգի ժամանակ բնակիչներին դիմել է կորոնավիրուսից պաշտպանվելու համար դիմակներ չգնելու խնդրանքով, հաղորդում է ՌԻԱ Նովոստին:
Ըստ իշխանությունների, ԱՄՆ խանութներից անհնար է գնել պաշտպանիչ դիմակներ, քանի որ ապրանքն արդեն դեֆիցիտ է դարձել: Ինչպես նշել են ԱՄՆ հիվանդությունների կանխարգելման եւ հսկման կենտրոնից, դիմակներ պետք է գնեն եւ օգտագործեն միայն նրանք, ովքեր կորոնավիրուսով հիվանդ են: Դրանով նրանք կպաշտպանեն շրջապատին: Առողջ մարդկանց համար դիմակները արդյունավետ չեն:
«Ամերիկացիները դիմակներ գնելու կարիք չունեն»,- ասել է Փենսը:
Վերջին տվյալներով, նոր տիպի կորոնավիրուսով աշխարհում վարակվել է 92 193 մարդ, որոնցից 3 131-ը մահացել են, իսկ 48 313-ը՝ առողջացել:
