ԱՄՆ-ի նախագահ Դոնալդ Թրամփն այսպես կոչված «սուպերեքշաբթի օրը» նախնական ընտրություններում հաղթել է բոլոր 13 նահանգներում, որտեղ դրանք անցկացրել են հանրապետականները: Այդ մասին վկայում են Associated Press գործակալության կատարած հաշվարկները:
Հաշվարկների համաձայն, Թրամփն ընտրությունները շահել է Ալաբամայում, Արկանզասում, Վերմոնտում, Մասաչուսեթսում, Օկլահոմայում, Կալիֆոռնիայում, Կոլորադոյում, Հյուսիսային Կարոլինայում, Տեխասում, Թենեսիում եւ Յուտայում: Ընդ որում Մենի և Մինեսոտայի նահանգներում Թրամփը մրցակիցներ չի ունեցել, ուստի նա ստացել է պատվիրակների բոլոր ձայները:
Ըստ Էության Թրամփի միակ մրցակիցը Մասաչուսեթսի նահանգի նախկին նահանգապետ Ուիլյամ Ֆլոյդ Ուելդն էր, որն ավելի վաղ կարողացել է մեկ ձայն ստանալ փետրվարի 3-ին Այովայում կայացած ժողովների արդյունքներով: Ըստ գործակալության՝ «սուպերեքշաբթին» նոր պատվիրակներ չի բերել նրան. բոլոր ձայները բաժին են հասել Թրամփին:
Մի քանի նահանգներում, օրինակ՝ Արկանզասում, Տեխասում և Կալիֆոռնիայում, Թրամփից և Ուելդից բացի, հանրապետականների սկզբնական ընտրություններին մասնակցել է նաև գործարար Ռոկի դե լա Ֆուենտեն, սակայն նա ոչ մի աջակցություն չի ստացել։