ԱՄՆ նախագահ Դոնալդ Թրամփն իր եռամսյակային աշխատավարձը՝ 100 հազար դոլարի չափով, նվիրաբերել է կորոնավիրուսի դեմ պայքարին։ Այս մասին Twitter-ում պատմել է Սպիտակ տան մամուլի քարտուղար Սթեֆանի Գրիշհեմը։
Նա հրապարակել է Թրամփի կտրոնի լուսանկարը, որը նա դուրս է գրել ԱՄՆ առողջապահության նախարարության և սոցիալական ծառայությունների անունով։
«Նախագահը շարունակում է պաշտպանել ամերիկացի ժողովրդին և նվիրաբերում է 2019 թվականի չորրորդ եռամսյակի իր աշխատավարձը»,- գրել է Գրիշհեմը։
Նա նաև հավելել է, որ ողջ գումարը կուղղվի «կորոնավիրուսի դեմ պայքարին, հակազդեցությանն ու զսպմանը»։
Հրապարակման մեկնաբանություններում որոշ օգտատերեր նշել են, որ Թրամփի ժեստը բավական հուզիչ է։ Մյուսները հայտարարել են, որ նախագահը կարող էր իր անձնական միջոցներից ավելի շատ գումար հատկացնել նոր տիպի վիրուսի դեմ պայքարին։
