Չինական AliExpress-ն առաջին անգամ նախազգուշացրել է գնորդներին ծանրոցների հնարավոր ուշացումների մասին՝ COVID-19 տեսակի կորոնավիրուսի համաճարակի պատճառով: Ընկերությունը հիշեցրել է, որ վիրուսը չի տարածվում փոստով, բայց խոստովանել է, որ այն դանդաղեցրել է լոգիստիկ գործընթացը:
Չինական AliExpress հարթակը մարտի 3-ին Facebook-ի իր անգլալեզու էջում նախազգուշացրել է կորոնավիրուսի համաճարակի պատճառով ծանրոցների հնարավոր ուշացումների մասին: Որոշ դեպքերում պատվերների մշակումը սովորականից ավելի շատ ժամանակ է պահանջում, ասվում է հաղորդագրությունում: Միևնույն ժամանակ, ընկերությունն ընդգծել է, որ Առողջապահության համաշխարհային կազմակերպության տվյալներով, վիրուսը չի տարածվում ծանրոցների միջոցով:
«Մենք երախտապարտ ենք հաճախորդներին ըմբռնումով մոտենալու համար: Մենք քրտնաջան աշխատում ենք անհարմարությունը նվազագույնի հասցնելու համար»,- հայտարարել է ընկերության ներկայացուցիչը: