Քրեական հեղինակություն Տարիել Օնիանին (Տարո) Իսպանիայում անցկացվող դատավարության ընթացքում բացատրել է ԽՍՀՄ առաջնորդ Իոսիֆ Ստալինի դերը օրենքով գողերի վերացման գործում: Այդ մասին հայտնում է «Ռոսբալտ» -ը:
Լսումների ընթացքում Իսպանիայի ազգային դատարանի իսպանացի դատախազ Խոսե Գրինդավը Տարոյին օրենքով գող է անվանել: Ի պատասխան՝ մեղադրյալը հանդես է եկել ելույթով՝ բացատրելով եզրույթի ծագումը: Ըստ Օնիանիի՝ առաջին օրենքով գողերը հայտնվել են բոլշևիկների օրոք: Այս տերմինը կիրառվում էր հանցագործների համար, ովքեր օգնել էին տապալելու կայսրի իշխանությունը:
«Քանի որ Ստալինը հասավ իր նպատակին և կարողացավ վերջ տալ ցարական ռեժիմի գոյությանը, այս կազմակերպությունը կորցրեց իր իմաստը», – ասել է նա՝ հավելելով, որ այդ ժամանակվանից օրենքով գողեր գոյություն չունեն:
Տարոն նաև միֆ է անվանել Քութաիսիի հանցավոր խմբավորում, որի ղեկավար են համարում իրեն: Օնիանիի դեմ հարուցված քրեական գործում ասվում է, որ նա այդ հանցավոր խմբի գեներալն է:
