Սիրիայի կառավարական ուժերը Իդլիբ նահանգի ռազմավարական նշանակություն ունեցող Սերաքաբ քաղաքի մերձակայքում գրոհայիններից ետ են գրավել մի քանի բնակավայրեր՝ հաղորդում է SANA-ն:
Հայտնի է նաև, որ վերջին ժամերի ընթացքում զինվորականները Դամասկոսը Հալեպին միացնող մայրուղու արևմուտքում ակտիվորեն օգտագործում էին հրետանային և հրթիռային զենքեր: Գրոհայիններին իրենց հերթին աջակցել են Թուրքիայի զինված ուժերը:
Ըստ SANA –ի՝ զինված ուժերին հաջողվել է «վերացնել շատ ահաբեկիչների, որոնց մեծ մասը վարձկաններ են»:
Արաբական լրատվամիջոցները նշում են, որ սիրիական բանակը մոտ է նրան, որ գրոհայիններից ետ գրավի բոլոր այն տարածքները, որոնք նրանք խլել են վերջին հակահարձակման ընթացքում Թուրքիայի ակտիվ ռազմական աջակցությամբ: