Սիրիական ռազմական ինքնաթիռը մարտի 3-ին խոցվել է թուրքական ռազմաօդային ուժերի «օդ-օդ» դասի հրթիռով և ընկել Իդլիբի նահանգի Մաարեթ-Նուուման քաղաքի շրջանում: Այդ մասին RIA Novosti-ին հայտնել է սիրիական զինվորական մի աղբյուր:
«Տեղական ժամանակով ժամը 11:03-ին մեր ռազմական ինքնաթիռը, որն Իդլիբի նահանգի հարավում առաջադրանք էր կատարում ահաբեկչական խմբավորումների դեմ, ենթարկվել է հրթիռահարվածի, որն արձակվել է թուրքական ռեժիմի ուժերի ինքնաթիռից, ինչը նրա կործանման է հանգեցրել Մաարեթ-Նուումանից հյուսիս-արևմուտք ընկած շրջանում»,-հայտարարել է աղբյուրը:
Անձնակազմի ճակատագրի մասին տվյալներ առայժմ չկան: Ավելի վաղ Թուրքիայի պաշտպանության նախարարությունը հայտարարել էր, որ թուրք զինվորականները սիրիական Իդլիբի երկնքում խոցել են Սիրիայի ռազմաօդային ուժերի L-39 ինքնաթիռը։