Այսօր՝ մարտի 3-ին, ԱԺ-ում մեկնարկել են 7-րդ գումարման չորրորդ նստաշրջանի հերթական նիստը: Այժմ քննարկվում է Դատական օրենսգիրք սահմանադրական օրենքում փոփոխություններ և լրացումներ կատարելու մասին հարցը:
«Մենք վստահում ենք դատական համակարգի բոլոր ներկայացուցիչներին. առաջ ենք շարժվում այս կանխավարկածով»,- հայտարարեց արդարադատության նախարար Ռուստամ Բադասյանը:
Նրա խոսքով` ԲԴԽ դատավորների թեկնածուների հավակնորդներին, դատավորների թեկնածուներին, նշանակման ենթակա դատավորների թեկնածուներին ՀՀ նախագահին առաջարկելու դեպքում որոշումներն ընդունվելու են բաց քվեարկությամբ:
«ԲԴԽ լիազորությունները կարգապահական վարույթի շրջանակներում ընդլայնվել են, և ներդրվել է բողոքարկման մեխանիզմ»,- հայտարարեց նախարարը:
Խոսելով իրավիճակային հայտարարագրի մասին` նա ասաց. «Այդ հայտարարագիրը կարող է պահանջվել, եթե կասկածներ են մնում, որ անձի գույքի ավելացումը ողջամտորեն չի հիմնավորվում օրինական եկամուտներով»:
Նախարարը նշեց նաև, որ դատավորների նշանակումից առաջ բարեվարքության ստուգման գործառույթը վերապահվել է կոռուպցիայի կանխարգելման հանձնաժողովին. «Փաթեթով սահմանվել է կոռուպցիոն հանցագործությունների ցանկը»:
Մանրամասները՝ տեսանյութում: