Սաութ Բենդ քաղաքի (Ինդիանայի նահանգ) նախկին քաղաքագլուխ Փիթ Բութեջաչը, Մինեսոտայից սենատոր Էմի Քլոբուշարը և Տեխասից կոնգրեսական Բեթո Օ’Ռուրքը, որոնք դադարեցրել են ԱՄՆ-ի նախագահի 2020 թվականի ընտրություններում Դեմոկրատական կուսակցությունից թեկնածուի առաջադրման պայքարը, պաշտպանել են ԱՄՆ-ի նախկին փոխնախագահ Ջոզեֆ Բայդենի նախընտրական արշավը: Համապատասխան հայտարարություններով նրանք հանդես են եկել մարտի 2-ին Դալլասում (Տեխասի նահանգ) Բայդենի պաշտպանության հանրահավաքում: Նրանց խոսքը մեջբերում է CNN հեռուստաընկերությունը:
Ավելի վաղ ԱՄՆ-ի նախագահ Դոնալդ Թրամփը հայտարարել է, որ նախընտրական արշավից Բութեջաչի դուրս գալը շահավետ է Բայդենի համար և կհանգեցնի Սանդերսի պարտության: «Նրա բոլոր ձայները «գերերեքշաբթի օրը» կանցնեն քնկոտ Ջո Բայդենին: Շատ հարմար ժամանակ է: Դա իրոք այն բանի սկիզբն է, որ դեմոկրատները Բեռնիին կհանեն խաղից»,- գրել է Թրամփը Twitter-ում:
Այսպես կոչված գերերեքշաբթին կսկսվի մարտի 3-ին, երբ պատվիրակների ընտրությունները, որոնք դեմոկրատների առաջիկա ազգային համագումարում կպաշտպանեն կուսակցությունից նախագահի թեկնածուի առաջադրման համար այս կամ այն հավակնորդին, կկայանան 14 նահանգներում և ԱՄՆ-ի մեկ անդրծովյան տարածքում՝ Ամերիկյան Սամոայում:
