Համայն Վրաստանի կաթողիկոս Իլյա II-ը կիրակնօրյա քարոզի ժամանակ հայտարարել է, որ կորոնավիրուսի նկատմամբ մարդկության հաղթանակի մասին տեսիլք է: Այս մասին հաղորդում է Sputnik Грузия-ն:
Կաթողիկոսը պատմել է, որ տեսել է, թե ինչպես է կրակոտ տղամարդը ձիով թռչում է իր գլխավերևում և անհետանում: Այնուհետև նրան է մոտեցել մի երեխա, որը թքել է գետնին, ապա թուքը մատով խառնել է և ճակատին խաչ արել: Ըստ ԻլյաII- ի, դա նշան էր, որ մարդիկ կկարողանան հաղթել կորոնավիրուսին:
Նա հավատացյալներին հորդորել է չվախենալ և չկորցնել ոգու ներկայությունը, ինչպես նաեւ շնորհակալություն է հայտնել բժիշկներին՝ իրենց նվիրված աշխատանքի համար: «Մենք այսօր մեծ ուշադրություն ենք դարձնում այն իրադարձություններին, որոնք տեղի են ունեցել ամբողջ աշխարհում` կորոնավիրուսի հետ կապված»: Ըստ կաթողիկոսի, մարդիկ չգիտեն, «Աստծուց է, թե չարից» է կորոնավիրուսը: «Ես ուզում եմ ձեզ ասել մի բան, որ առանց Տիրոջ դա չէր պատահի: Եվ աղոթքի և Տիրոջ օրհնության օգնությամբ մենք կարող ենք հաղթահարել այդ հիվանդությունը», – ասել է կաթողիկոսը:
Վրաստանում կորոնավիրուս է ախտորոշվել երեք մարդու մոտ: Երկուսը վերադարձել են Իրանից, մեկ կին՝ Իտալիայից: Ընդհանուր առմամբ, աշխարհում վիրուսով վարակվել է ավելի քան 87 հազար մարդ, նրանցից գրեթե երեք հազարը մահացել են:
