Ինդիանա նահանգի Սաունթ-Բենդ քաղաքի նախկին քաղաքապետ Փիթ Բուտիջիչը հաղորդել է Դեմոկրատական կուսակցությունից ԱՄՆ նախագահական ընտրություններում իր թեկնածությունն առաջադրելու մտադրությունից հրաժարվելու մասին։ Նա դուրս է եկել նախընտրական մրցարշավից։
Այս մասին հաղորդում է CNN-ը։ Նրա խոսքերով՝ այս որոշումը դժվար է եղել։
«Ես այլևս չեմ փորձի 2020 թվականի նախագահական ընտրություններում լինել դեմոկրատների թեկնածուն, բայց ես ամեն բան կանեմ, որպեսզի հասնեմ նրան, որ հունվարին մենք դեմոկրատ-նախագահ ունենանք»,- ասել է Բուտիջիչը։
Նա սակայն չի նշել իր որոշման պատճառը։
Բուտիջիչը հայտարարել է, որ հիմա ավելի ճիշտ կլինի «մի կողմ անցնել, որպեսզի օգնեմ մեր կուսակցությանն ու մեր երկրին»։