ԱՄՆ ռազմաօդային ուժերի ռազմավարական հետախուզական RC-135W ինքնաթիռը կիրակի օրը, մարտի 1-ին, երկարատև հետախուզական թռիչք է կատարել Սիրիայի ափամերձ գոտու մոտակայքում, որտեղ տեղակայված են ռուսական «Խմեյմիմ» ավիաբազաները, ինչպես նաև Տարտուսի նավահանգստում գտնվող Ռուսաստանի ռազմական նավատորմի նյութատեխնիկական ապահովման բազան: Այդ մասին հայտնում է «Ինտերֆաքս»-ը՝ արևմտյան ավիացիոն ռեսուրսների մոնիտորինգի տվյալներին հղումով:
Գործակալության տվյալներով, խոսքն ինքնաթիռի մասին է, որը կարող է ռադիոէլեկտրոնային հետախուզություն իրականացնել հակառակորդի տարածքի մեծ խորության վրա:
Հաղորդվում է, որ ամերիկյան հետախույզը սիրիական ափի երկայնքով թռել է ավելի քան երեք ժամ:
Փետրուարի 28-ին, Սիրիայի Իդլիբում իրավիճակի կտրուկ սրման ֆոնին «Կալիբր» հրթիռներով ռուսական «Ծովակալ Մակարով» և «Ծովակալ Գրիգորովիչ» ֆրեգատները, ինչպես նաև «Օրսկ» մեծ դեսանտային նավը միանալով մեկ այլ՝ «Ծովակալ Էսսեն» նույն շարքի ֆրեգատին Սև ծովի նեղուցներով նավարկել են Սիրիա: