2020 թվականի մարտի 31-ին Արցախում սպասվում են համապետական ընտրություններ․ ընտրելու են նախագահ և ձևավորելու են Ազգային ժողով։ Մոտ օրերս կմեկնարկի պաշտոնական քարոզարշավը։
Ձեր կարծիքով՝ արցախցին ի՞նչ սկզբունքով պետք է մոտենա այս ընտրություններին՝ գործելու է Հայաստանի՞ տրամաբանությունը, այսինքն՝ մերժման․ «Առաջին լրատվական»-ի հարցին ԼՂՀ ինքնապաշտպանական բանակի առաջին հրամանատար Արկադի Կարապետյանը պատասխանեց․ «Ես կարծում եմ, որ նման իրավիճակներ մեր ժողովուրդը նույնպես պետք է տեսնի, որպեսզի իմաստանա ու հետագայում իմանա, թե ինչ անի։ Այստեղ Հայաստանի տրամաբանությունը չի, Հայաստանի տրամաբանությամբ կգնար, եթե դա լիներ 2018 թվականի մայիսին, կամ թեկուզ հունիսին։ Հիմա լրիվ ուրիշ տրամաբանություն է, հիմա ժողովուրդն արդեն այլ հոգեվիճակում է՝ տրամադրություններն արդեն մի քիչ փոխվել են, ոգևորությունը մի քիչ նստել է։ Դա բնական է, որովհետև մարդ չի կարող մշտապես լարված լինել։ Դրա համար տարբերություններ լինելու են և, ընդ որում՝ շատ մեծ»։
Իսկ ինչի՞ մասին է խոսում հայտ ներկայացրած նախագահի թեկնածուների և կուսակցությունների այսպիսի առատությունը․ «Առաջին լրատվական»-ի հարցին Արկադի Կարապետյանը պատասխանեց․ «Ինձ համար այդպես սարսափելի չի, որ 27 կուսակցություն կա, թող 270-ը լինի։ Բայց դա խոսում է մի ցավալի փաստի մասին, որ մենք դեռ մնացել ենք կլանային մտածողության մեջ, որովհետև այդ կուսակցությունների գաղափարների մեջ մեծ տարբերություն չկա՝ բոլորն էլ լավն են ուզում և այլն, բայց ուզում են իրենց ընկերությունով լինի։ Դա էլ եմ հասկանում։ Դա էլ չի ինձ սարսափեցնում, որովհետև պատերազմի ժամանակ մենք հաղթանակը ընկերությունով ենք տարել։ Բայց ժողովուրդը պետք է հասկանա, որ պետությունը, ազգը մի քիչ ավելի վեհ հասկացողություն է, քան ընկերային շրջապատը։ Իսկ այս բազմակուսակցությունն էլ նրանից է, որ ազգային գաղափարախոսություն չունենք։ Գիտեք, նամանավանդ լիբերալներն այդ ազգային գաղափարախոսությունից վատ են զգում, բայց պետք չէ այդպես ընդունել։ Ազգային գաղափարախոսությունը մեր ազգի ներկայացուցիչների հարաբերություններն է միմյանց հետ, և դրսի հետ։ Մենք դա չունենք, դրա համար չգիտենք, թե ինչ անենք՝ դրսից ուրիշներն են մեզ համար խնդիր դնում»։
Մանրամասները՝ տեսանյութում։
