Չիկագոյի Արևելյան ինստիտուտի հնէաբանները հայտնաբերել են հնագույն արքայության կորսված քաղաք, որը գոյություն է ունեցել մ.թ.ա. 1400 թվականից մինչև մ.թ.ա. 600 թվականը և հաղթել Ֆրիգիայի պատերազմում, որտեղ կառավարել է Միդաս արքան: Այս մասին հաղորդվում է Phys.org-ի մամլո հաղորդագրության մեջ:
Մասնագետները հետազոտել են պեղումների վայրը Թուրքիայի հարավում, որը կոչվում է Թուրքմեն-Կարախոյուկ: Նրանք իռիգացիոն ջրանցքում գտել են մեծ քարակոթող` լուվիերեն գրությամբ, որը լայնորեն տարածված էր բրոնզե և երկաթե դարերում: Տեքստում պատմվում է Խարտապու արքայի հաղթանակի մասին, իսկ Թուրքմեն-Կարախոյուկը եղել է առեղծվածային արքայության մայրաքաղաքը:
Հետազոտողները գտել են նաև ոչ մեծ քաղաքի ավերակներ, որը զբաղեցրել է մոտ 1,2 քառ. կմ տարածք: Սակայն գիտնականները դեռ չգիտեն, թե որ հնագույն արքայությանն է այն պատկանում: Ծրագրվում են հետագա պեղումներ, որոնց արդյունքում գիտնականները հույս ունեն գտնել պալատներ, տներ և այլ հուշարձաններ:
