ԱԺ պատգամավոր Արման Բաբաջանյանը ֆեյսբուքյան իր էջում գրել է․
Ես չեմ ուզում քննարկել Սերժ Սարգսյանին, Ռոբերտ Քոչարյանին, Դավիթ Հարությունյանին, Հրայր Թովմասյանին և սրանց նման շատ ուրիշ հանցագործներին։ Նրանց քայլերը, երկարամյա գործունեության իրական նպատակների մի մասը բացահայտված է, մյուս մասը վաղ թե ուշ կբացահայտվի։
Ինձ ավելի հետաքրքրում է անցած քսան և ավելի տարիներին մեր երկրում նախարարի, փոխնախարարի, դատավորի, դատախազի պաշտոններ զբաղեցրած անձանց մասնակցությունը պետության բռնազավթմանն ու ավերմանը։
Այս ողջ ժամանակահատվածում Հայաստանում միայն երկու բարձրաստիճան պաշտոնյա՝ մեկ դատավոր և մեկ Գլխավոր դատախազի տեղակալ գտնվեց, որ հրաժարվեց գնալ նախանշված ուղով։ Երկու հոգի միայն ասեց՝ կանգ առեք, այսպես հնարավոր չէ շարունակել, այսպես չի կարելի շարունակել։
Ակնհայտ է, չէ՞, որ Սերժ Սարգսյանը, Ռոբերտ Քոչարյանը, Հովիկ Աբրահամյանն ու մյուսները չէին կարող իրագործել իրենց հանցագործությունները, եթե 20-25 տարվա մեջ որևէ ընտրական վեճ քննելիս Սահմանադրական դատարան կոչված մարմնի գեթ մեկ անդամ հրապարակային կերպով ընդվզեր և կատարեր իր առաջնային առաքելությունը՝ պաշտպաներ ժողովրդավարությունն ու ժողովրդի իշխանությունը և ոչ թե Բաղրամյան 26-ից Արմեն Գևորգյանի հեռախոսային հրահանգը։
Ուստի, այդ Սահմանադրական դատարանի յուրաքանչյուր անդամ, ով անցնող տարիներին ընտրական վեճերի վերաբերյալ իր կայացրած որոշումներով Հայաստանը ավելի հետադիմական և բռնապետական է դարձրել ավելի հանցագործ է, քան նույնիսկ Սերժ Սարգսյանն ու Քոչարյանն է հանցագործ։
https://www.facebook.com/100000574215703/posts/3264151910280584/
