Լուրեր
Եթե կայծը թաքցնես, հրդեհի դեմը չես կարող առնել. Հայաստանում կորոնավիրուսի կանխարգելմանն ուղղված ինչ քայլեր են կատարվում
  • 13:15
  • 2020-02-29
  • Դիտումներ՝ *

«Կորոնավիրուսի մասին բնակչության տեղեկացվությունը հենց սկզբնաղբյուրից շատ կարևոր է, որովհետև ապատեղեկատվությունը այսօր բոլորիս էլ ավելի լարվածության մեջ է պահում, քանի որ դրա հիմքերը ընդհանրապես չկան: Երեկ սոցցանցերում երկու դեպքի մասին աղաղակող ապատեղեկատվություն էր տարածվել: Պաշտոնապես հայտարարում եմ, որ երկու դեպքերն էլ ստուգվել են, և արդյունքները եղել են բացասական»,- «Առաջին լրատվական»-ի հետ զրույցում ասաց առողջապահության նախարարության Հիվանդությունների վերահսկման և կանխարգելման ազգային կենտրոնի վարակիչ հիվանդությունների բաժնի պետ Լիանա Թորոսյանը՝ անդրադառնալով հարցին, թե կա ՞ արդյոք Հայաստանում կորոնավիրուսով վարակվածության դեպք:

Մեր զրուցակցի խոսքով՝ այսօր առողջապահության նախարարության կիզակետում ոչ միայն ինֆեկցիոն բնույթի հիվանդանոցն է, այլև ամբողջ բազմապրոֆիլ հիվանդանոցները, թոքաբորբի բոլոր այն դեպքերը, որոնք այսօր բուժում են ստանում:

«Այսօրվա, այս ժամի դրությամբ կատարվել է 100 հետազոտություն, որոնց արդյունքը բացասական է: Եթե դեպք լինի Հայաստանի Հանրապետությունում, առողջապահության նախարարությունն առաջինը ինքն է բարձրաձայնելու, որովհետև համաճարակաբանության մեջ այսպիսի սկզբունք կա. «Եթե դու այսօր կայծը թաքցնես, հրդեհի դեմը չես կարող առնել»: Հետևաբար առաջին շահագրգռված կազմակերպությունը, որ դեպք լինելու դեպքում կբարձրաձայնի, հենց ինքը՝ առողջապահության նախարարությունն է»,- նշեց Լիանա Թորոսյանը:

 

Հարցազրույցն ամբողջությամբ՝ տեսանյութում:

  • Դիտումներ՝ *