Լրանում է Մարտի 1-ի արյունալի իրադարձությունների 12-րդ տարելիցը։ Հեղափոխությունից հետո նոր ի հայտ եկած հանգամանքներով Մարտի 1-ի գործը վերաբացվեց, և ՀՀ երկրորդ նախագահ Ռոբերտ Քոչարյանն ու այլ նախկին բարձրաստիճան պաշտոնյաներ հայտնվեցին մեղադրյալի աթոռին։ Սակայն բավական ժամանակ է, ինչ չենք կարողանում բուն դատական պրոցեսի մեկնարկը տալ, որը պայմանավորված է տարբեր պնդումներով։
Գործի հետ կապված ինչպիսի՞ն են ձեր դիտարկումները․ «Առաջին լրատվական»-ի հարցին փաստաբան Արա Ղարագյոզյանը պատասխանեց․ «Ընդհանուր առմամբ՝ այո, խնդրահարույց է։ Ամեն դեպքում, մի օր այս լսված լինելու իրավունքը պետք է սահմանափակվի, և, ի վերջո, դատարանը պետք է ղեկավարվի նաև տուժողների շահերի պաշտպանությամբ։ 12 տարի անց փորձում են տուժողների խախտված իրավունքները վերականգնեն։ Նաև դրական էր այն փաստը, որ փորձում են փոխհատուցում ստանալ, որը սակայն, իմ կարծիքով՝ ոչ լիարժեք է»։
Իսկ իրավապաշտպան Ժաննա Ալեքսանյանն ասաց․ «Գիտեք, ես առաջին հերթին կշեշտեմ վերահսկողության պակասն իրավապահ մարմինների նկատմամբ։ Փաստորեն, գլխավոր դատախազությունը չի կատարում իր գործառույթները։ Մենք դա տեսնում ենք։ Մենք տեսանք, թե ինչպես Սամվել Ուզունյանը լքեց Հայաստանն այն օրը, երբ նրա խափանման միջոցն էին քննարկում։ Դրանից հետո մենք պետք է վստահե՞նք այդ գլխավոր դատախազությանը։ Սամվել Ուզունյանը կամ Վահագն Հարությունյանը ինչպե՞ս գնացին։ Ես վստահ եմ, որ սա միտումնավոր է՝ չեն կարող այդպիսի զուգադիպություններ լինել, որ մարդու մոտ փամփուշտ հայտնաբերվի, և դրանից հետո լքի Հայաստանը։ Մենք շատ ենք տեսնում դատախազության թերացումն ու կամայական մոտեցումները»։
Մանրամասները՝ տեսանյութում։