«Հետաքրքրական է, որ 46 ՀԿ-ների մեջ կան նաև այն ՀԿ-ները, որոնք աշխատում են մեզ հետ աշխատանքային խմբի ֆորմատով կուսակցությունների մասին օրենքի վրա և պետք է, որ քաջատեղյակ լինեն թե՛ գործընթացից, թե՛ հետագա քայլերից: Գալով հարցին, թե որտեղ է փաթեթի մշակում՝ կոնցեպտուալ առումով փաթեթն այստեղից են պատրաստել: Դեռ ամսվա սկզբին մենք դա շրջանառել ենք մեր փոքրամասնություն կազմող ֆրակցիաներին՝ ԼՀԿ-ին և ԲՀԿ-ին, այնուհետև թարգամնել և ուղարկել ենք մեր միջազգային գործընկերներին՝ Վենետիկի հանձնաժողովին, ԵԱՀԿ:
Հաջորդ շաբաթվա սկզբին մեր գոծընկերները կլինեն Երևանում, հանդիպումներ կունենան և կքննարկեն այլ շահառու կողմերի հետ այն, ինչ մենք ենք ներկայացրել»,- «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Համազասպ Դանիելյանը՝ անդրադառնալով Կուսակցությունների մասին օրենքի փաթեթին: