Սիրիայից, Պակիստանից, Իրանից եւ Իրաքից հազարավոր փախստականներ շարունակում են շարժվել դեպի Թուրքիայի եվրոպական սահմաններն այն բանից հետո, երբ հայտարարվեց, որ Թուրքիան այլեւս չի խոչընդոտի փախստականների դեպի Եվրոպա տեղաշարժին, հայտնում է Haberturk-ը:
Այն լուրերի ֆոնին, որ թուրք սահմանապահները չեն խոչընդոտի սահմանը հատելը, Թուրքիայում տեղակայված տարբեր ազգությունների փախստականները հավաքվում են մեծ խմբերով և ոտքով կամ տրանսպորտային միջոցներով շարժվում են դեպի Թուրքիային եվրոպական երկրները կապող ցամաքային և ծովային սահմանային կետեր, հայտնում է հեռուստաալիքը:
Ըստ հեռուստաալիքի տվյալների, փախստականների խմբեր են նկատվել Ստամբուլում, Էդրինում, Իզմիրում, Այդինում:
Սիրիացի փախստականներն այս պահին ապրում են տարբեր երկրներում, ամենաշատը Սիրիայի հետ հարեւան երկրներում՝ Լիբանանում, Թուրքիայում, Հորդանանում: Միայն Թուրքիայում են գտնվում մոտ 3.6 մլն փախստականներ:
ԵՄ անդամ պետությունների պետությունների և կառավարությունների ղեկավարները 2016-ի մարտի կեսերին Թուրքիայի հետ համաձայնեցրել են միգրացիոն ճգնաժամի դեմ պայքարի համատեղ ծրագիրը: Այն, մասնավորապես, նախատեսում է փախստականներ ընդունելու համար Անկարային ֆինանսական օգնություն տրամադրել, Թուրքիայից Հունաստան ժամանած բոլոր անօրինական ներգաղթյալների վերադարձը Թուրքիա, ինչպես նաև ԵՄ-ի կողմից Թուրքիայից օրինական սիրիացի միգրանտների ընդունելությունը`մեկը մեկի դիմաց:
