Մարդու իրավունքների եվոպական դատարանը (ՄԻԵԴ) փետրվարի 27-ին Ադրբեջանի իշխանություններին պարտավորեցրել է լրագրողուհի Հադիջա Իսմայիովային փոխհատուցում վճարել 20 հազար եվրոյի չափով:
«Դատարանը համարում է, որ իշխանությունների գործողությունները թելադրված են ոչ կոռեկտ պատճառներով և միտված են այն բանին, որ նրան հարկադրեն լռել և պատժեն լրագրողական գործունեության համար»,- ասված է պաշտոնական հայտարարության մեջ:
Եվրախորհրդի խորհրդարանական վեհաժողովում Ադրբեջանի պատվիրակության ղեկավար Սամեդ Սեիդովը BBC-ին հայտարարել է, որ դատարանի վճիռը լրացուցիչ մեկնաբանությունների կարիք չունի:
«Մենք ընդունել ենք ՄԻԵԴ-ի իրավազորությունը, ուստիև կկատարենք նրա կայացրած վճիռները՝ ընթացակարգային կանոններին համապատասխան»,- ասել է Սեիդովը: Դա արդեն երրորդ որշումն է հօգուտ հայտնի լրագրողուհու, որը պայքարում է իր իրավունքների և պրոֆեսիոնալ հետաքննություններ կատարելու հնարավորության համար: 2010-2012 թվականներին Իսմայիլովան աշխատել է ապօրինի ձեռնարկչությանը նախագահ Իլհամ Ալիևի ընտանիքի ենթադրյալ մասնակցության մասին նյութերի հրապարակումների վրա: