Արցախում 2020թ. գարնանը կայանալիք խորհրդարանական և նախագահական ընտրություններին ընդառաջ մեկնարկել է նախընտրական քարոզարշավը:
Արցախցիների համար ամենակարևորը սահմանի անվտանգությունն է, Զինված ուժերի հզորացումը: «Շատ խնդիրներ ունենք: Լոխ փողով ա՝ առողջապահության ոլորտում փողով ա, կրթության ոլորտում փողով ա… Բայց առաջնային խնդիրը մեր սահմանի անվտանգության խնդիրն է, մեր հարցը պիտի լուծվի… Փաշինյանը մեր մասին շատ լավ բանակցություններ է վարում, բայց մեր հարցը մունք պիտի լուծենք, լոխս միախմբված պիտի հարցին լուծում տանք»,- «Առաջին լրատվական»-ի հետ զրույցում ասաց արցախցիներից մեկը՝ հավելելով. «Ով կռվի մեջ ելել ա, պայքարել ա, նա գիդում է ժողովրդի ցավը, նա պիտի նախագահ ընտրվե: Ինչ խոսք կտան, գոնե դրա 50 տոկոսը անեն. Ղարաբաղի հարցը շատ լուրջ հարց ա»:
Արցախցիների մի մասը, խոսելով խնդիրների մասին, նշեց նաև տանիք չունենալու՝ բնակարանի, աշխատատեղերի խնդիրը: Արցախցին պարտավորված է զգում մասնակցել ընտրություններին՝ մտածելով՝ մի ձայնն էլ որոշիչ է, և հույս ունի՝ ընտրություններից հետո բարեփոխումներ կլինեն, արցախցու կենսամակարդակը կբարելավվի:
Մանրամասն՝ տեսանյութում: