Ընթացքի մեջ է մարտի 31-ին Արցախում սպասվող խորհրդարանական և նախագահական ընտրությունների քարոզարշավը, որի պաշտոնական մեկնարկը տրվել է նախօրեին: Թեմայի շուրջ զրուցելու համար «Առաջին լրատվական»-ը հյուրընկալել է արցախյան ընտրություններում դիտորդական առաքելություն իրականացնող «Իրազեկ քաղաքացիների միավորում» ՀԿ ծրագրերի ղեկավար Դանիել Իոաննիսյանին:
Մեր զրուցակիցը կարծում է, որ իրավիճակը Արցախում իրոք հետաքրքիր է և մրցակցային. «Ես պետք է ազնիվ լինեմ և ասեմ, որ ի տարբերություն Հայաստանում մեր դիտարկած շատ ու շատ ընտրությունների, որոնց ժամանակ մեզ համար մոտավորապես կանխատեսելի էր հաղթողը, ապա Արցախում տրիվիալ չէ, ընտրությունների արդյունքները այս պահին դժվար է կանխատեսել, և ռեալ մրցակցություն կա»:
Նրա խոսքով՝ Երևանի մոտեցումը ընտրությունների հարցում սկզբունքորեն տարբերվում է նախկինում Երևանի ունեցած մոտեցումից. «Նախկինում երբեք Երևանը Արցախից չի պահանջել կամ ակնկալել ժողովրդավարական ընտրություններ և չի աջակցել այդպիսի ընտրությունների անցկացմանը, իսկ այժմ և՛ պահանջում է, և՛ ակնկալում է, և՛ աջակցում»:
Հարցազրույցն ամբողջությամբ` տեսանյութում: