Սիրիական Իդլիբ նահանգում թուրք զինվորականներին հասցված ավիահարվածի արդյունքում զոհվածների թիվը 29-ի է հասել։ Այս մասին հաղորդում է Yeni Şafak-ը՝ հղում անելով թուրքական Հաթայ նահանգի ղեկավար Ռահմի Դոգանին։ Մինչ այդ հայտնի էր դարձել, որ սիրիական կառավարական ուժերը օդային հարված են հասցրել Իդլիբում Թուրքիայի զինվորականների ուղղությամբ, ինչի արդյունքում, ինչպես ավելի վաղ հաղորդել էր Դոգանը, թուրք 22 զինվորական էր զոհվել։
Նաև հաղորդվում է, որ դրանից հետո թուրքական ուժերը գնդակոծել են սիրիական բանակի դիրքերը։